Çiç bıkəm? - Aytən Eyvazon

Dardiku dıl, mardedəm, mandəni hol, çiç bıkəm?
Həmmə ha con, bızno lap dınyo-məhol, çiç bıkəm?

Çəş kəşe az zındənim, çordə şəvə ovşumiş,
Doydə rəvoş bəv çəşon, həm siyo xol, çiç bıkəm?

Ərzi holım oşko bəy çoknə bəyon kardedəm,
Fərhadi bandış toşə, vardə misol, çiç bıkəm?

Pərvonətək qardedəş ışvə nozış sutdə mın,
Boy məkə hiç doydəniş, zərrə məcol, çiç bıkəm?

Iştı ni heç insofən, dıldə nocon kıştedəş,
Haşdəni şəv-ruj rohət ıştı xıyol, çiç bıkəm?

Mandəşe mot Aytənən, ım çı curə eşqebu?!

Dilbəri dıl sığ bə sığ, omdə bəbol, çiç bıkəm?