Zümrüyyə Vəliyeva
Kadus – azad quş
Açıq pəncərəyə ağ göyərçin oturur başlayır
quruldamağa. Çarpayıda cavan qız yatıb. Bir yandan qızın üzünə düşən səhər günəşinin
şuaları, bir yanda da göyərçinin qurultusu onu oyadır. Qız yavaş-yavaş gözlərini
açır, pəncərəyə qonan göyərçinə baxır, çarpayıdan durur əllərini yuxarı
qaldırır gərnəşir. Qar kimi ağappağ göyərçin qızın diqqətini cəlb edir, o pəncərəyə
yaxınlaşmaq istəyəndə göyərçin uçur.
Qız tez paltarını geyinir, uzun qıvrım saçlarını toplayıb otaqdan çıxır, bütün ailə
qonaq otağında səhər yeməyini yeyirdi. Alxos qızını görəndə deyir: