Zümrüyyə Vəliyeva
Biri var idi biri yox idi bir
meşədə sincab ilə arıquşu var idi.
Onlar uşaqlıqdan dostluq edirdi, bir
birinə həmişə kömək edirdi. Arıquşunun ağacda qurduğu yuva sincabın evinə yaxın
idi. Arıquşu dostunu evinə qonaq çağırardı, və
ikisi də ağacın yüksən budağında oturub meşəyə baxardılar, uzun söhbət
edib deyib gülərdilər. Sincab da öz növbəsində quşu evinə dəvət edib onu
ağacdan düşmüş qozalara qonaq edərdi.
Günlərin
bir günü iki dost ağacın dibində oturub zarafatlaşırdı və tülkü onlara rast gəldi.
Tülkünün onların dostluğuna paxıllığı gəlirdi, o həm də ac idi, amma qoca olduğundan şikarının dalıyca qaçmağa gücü yox idi, və buna görə bir plan cızdı.
Tülkünün onların dostluğuna paxıllığı gəlirdi, o həm də ac idi, amma qoca olduğundan şikarının dalıyca qaçmağa gücü yox idi, və buna görə bir plan cızdı.
Hiyləgər
tülkü iki dosta yaxınlaşanda sincab arıquşuna xəbər etdi və cəld hərəkətlə
ağaca dırmaşdı, quş da yerdən uçub yuxarı budağa qondu.
Tülkü dedi:
-
Ah mənim balaca dostlarım niyə məndən qorxdunuz? Siz söhbətinizi davam edərdiniz, mən
sizə mane olmayacam.
Yuxarından sincab ona qışqırdı:
-
Səndən bizə dost olmaz.
-
Mən yazıq, heç kim mənimlə dost olmaq istəmir.
Mən çox yorulmuşam bu həyatda. Çox tənhayam.
Arıquşu ona cavab
verdi:
-
Yırtıcı heyvanla bizim işimiz olmaz.
-
Ah mənim əziz dostlarım əvvəl mən başa düşmürdüm, amma
sonra ətrafımda bir dost tapmayınca anladım ki, bu həytada ən vacib şey sadiq dost tapmaqdır. Axı kim sizlərdən başqa məni anlaya bilər?
Dostlar tülküyə fikir vermədi və öz yuvalarına döndülər.
Günlərin bir günü sincab həmişəki kimi əlində qozalarla arıquşunun evinə gedirdi.
Tülkü ondan soruşdu:
-
Əlindəkini
hara aparırsan?
-
Dostuma sovqat aparıram.
-
Hmm. Mən dünən təsadüfən burdan keçəndə eşitdim ki, arıquşu biri ilə
danışırdı və dedi ki, “Bu sincabın gətirdiyi çürük qozalarından boğaza
yığılmışam. Mən ona heç cür deyə bilmirəm ki, ay sincab sənin qozaların gözümdən
düşüb, heç olmasa fərli başlı bir şey gətir”.
Sincab kəskin etiraz etdi:
-
Yox mən
inanmıram dostum elə desin, çəkil
yolumdan mən arıquşunun yanına
gedirəm.
Tülkü onun qabağından çəkilmir və davam edir:
-
Sən dur hələ! Sənə ən vacib şeyi deməyə unutdum, dostun sənin gəlməyini öyrənincə evindən
tez çıxıb uçdu harasa.
Sincab tülkünü itələdi cəld ağaca dırmaşıb dostunun evinə
getdi. Yuva
boş idi, sincab dostunu çağırdı, amma bir səs gəlməyincə aşağan düşdü.
Sincab
çox üzgün idi, tülkü birdən yerə yıxılıb
dedi:
-
Ah, gənc dostum mənim halım pisləşdi, zəhmət
olmasa mənə bulaqdan tez su gətir? Gözlərim qaraldı, heçnə görə bilmirəm.
Sincab
dərhal su üçün qaçdı. Tülkü tez durub ağaca yaxınlaşdı. Bu an arıquşu
ağzında bir qab su ilə yerə enib tülküyə yaxınlaşdı:
-
Buyur tülkü iç özünə gəl.
-
Su üçün çox sağol, sən qayıtmamış artıq özümə gəldim.
Yaşlaşdıqca tez-tez halsız
oluram.
-
Baqışla
mən tələsirəm, sincab məni gözləyir, bəlkə də gəlib məni evdə görməyib. Gedirəm dostumun
yanına, axı bu gün mən onu evimə qonaq çağırmışam.
Tülkü ətrafa boylanıb arıquşuna yaxınlaşdı:
-
Amma öz
aramızda sənə bir şey deməliyəm.
-
Buyur, eşidirəm səni.
-
Bu da sənin dostun, heç gəlməyib bu gün. Heç olmasa
çürük qoza gətirərdi, amma onuda etmədi. Eh, bu sincablər belə unutqandır. Görərsən səni də
unudacaq, çünki
onlar bu gün gizlətdiyi qozaları sabah tapa bilmirlər, o ki qaldı kimləsə dostluq etsin.
-
Eyb etməz. Mən onun üçün meyvə gətirmişəm,
evinə aparacam.
-
Amma məndən sənə bir dost məsləhəti, etmə bunu. Keçən dəfə sincab deyinərək
deyirdi “Bu quşun gətirdiyi
meyvələr bilmirəm hardandır, bəlkə kəndlilər ağaclara bir şey səpir,
çünki mən onları yeyəndən sonra zəhərlənirəm, bu axmaqda özü yeməyə
qorxur mənə gətirir”.
Bu sözlər quşun xətrinə dəydi, çünki o özünü təhlükəyə atıb kəndlinin bağından meyvələrin ən dadlılarını oğrayıb dostu üçün gətirirdi,
hətta ürəyindən keçib yemək istəyəndə sincaba görə yemirdi.
Sonra
tülkü yavaş səslə arıquşunun qulağına pıçıldadı:
-
Sincab əslində bu gün sənin evinə gəlmək
istəmədi, səndən bezdiyini dedi və harasa qaçdı.
Amma
quş yenədə tülküyə inanmadı ve sincabın evinə getdi. Sincab yuvasında yox idi, quş dostunu çox çağırdı sonra məyus olub evinə döndü.
Artıq bir neçə gün idi ki, dostlar danışmırdı. Tülkü dostların hər ikisi ilə yaxınlıq edirdi, özünü sevdirməyə çalışırdı və onların arasını vurduğuna görə çox sevinirdi.
Günlərin bir günü sincaba xəbər gəldi ki, quş adamların qurduğu tələyə düşüb, kimsə ona yardım etməyə curət etmirdi, çünki insan olduğu yerdə meşə heyvanları canını qurtarmaq üçün qaçırdı. Sincab fikirləşmədən dostunu xilas
etməyə qaçdı və yolda
tülküyə rastlaşdı:
-
Getmə ora, sən öz canından mı bezmisən?!
Mən indicə ordan qayıdıram bilirsən nə qədər orada insan var, quş cəhənnəmə
insanlar sənidə tutacaqlar,
-
Yox mənim dostum təhlükədədir, mən
onu xilas etməliyəm.
-
Əşi dediyin
dost səni bəyənmir.
-
Tülkü mən
dostluğumuzun xatirinə arıquşunu orada tək qoya bilmərəm. Onun arxamca danışğı
mənim üçün önəmli deyil, o hələdə mənim üçün dost olaraq qalıb, mən keçmişimizi
unuda bilmərəm.
Tülkü
sincabı qolundan tutub saxlamaq istəyirdi və bir anlıq özünü itirib ağzını açdı,
onu yeməyə hazılaşdığı anda, sincab buraxılıb qaçır.
Quşun
bir qanadı tələnin içində olduğuna görə heç yana uça bilmirdi, sincab özünü yetişdirib
böyük çubuqla tələnin ağzını açmağa başladı.
Arıquşu
dostunu görüncə çox sevindi.
-
Dostum nə
yaxşı ki sən yetişdin!
-
O nə sözdür! Əlbətdə
ki, gələcəyəm axi biz dostuq.
-
Tülkü mənə
dedi ki, sən tələyə düşmüsən məndə dərhal uçdum buraya. Amma səni burada görməyincə
çaşdım, sonra tülkü məni hiylə ilə bu tələyə
saldı, və dedi ki məni tələyə salandan sonra yeyəcək, amma əvvəl səni də
aldadaraq tələyə salacaq.
Sincab qəzəbləndi:
-
Bax sən! Demək buna görə o hiyləgər
mənim bura gəlməyimə mane olurdu. Sənin dalınca danışırdı deyirdi ki, sən mənim
gətirdiyim sovqatları bəyənmirsən.
-
Dostum həmin sözləri tülkü sənin
haqqında deyirdi.
-
Demək bu onun hiyləsi idi, aramızı vurmaq istəyirdi. Dayan sən, mən indi ona dostların arasına girməyi göstərəcəyəm.
Sincab
arıquşunu xilas edəndən sonra tülkünün yanına qayıdır:
-
Tülkü sən haqlı idin mən oraya yetişincə quş
tələdə yox idi, amma kolluqda ayağı yaralanmış dovşan gördüm, buraya onu təkbaşına gətirə bilmədim, sənin köməyinə ehtiyyacım var.
Tülkünün gözləri parıldadı, çoxdandır ağzına ət dəymirdi sevinərək sincabnin dalınca qaçdı.
Kolda
dostların gizlətdiy tələ hiləgər tülkünü gözləyirdi. Tülkü təlaşdan kolluğa girəndə tələyə düşdü və iki dostun ona dərs verdiyini anladı. O yenədə özünü zavallı aparıb iki
dosta səsləndi:
-
Nə olur qurtarım məni! Söz verirəm ki, bir daha belə etməyəcəyəm.
Sincab
cavab verdi:
-
Atrıq sənin yalan yalvarışlarına inanan deyilik. Nə halın varsa gör.
Beləliklə sincab ilə arıquşu ordan uzaqlaşdı və söz verdilər ki, bir daha aralarını vurmaq istəyənlərə inanmayacaqlar.
Nağılın sonu
11.11.2015
Комментариев нет:
Отправить комментарий